Azərbaycan yığmasının futbolçusu Rəşad Sadıqov Türkiyə Superliqasında növbəti oyununu keçirib. Apasport.az saytının məlumatına görə, 27 yaşlı müdafiəçi çıxış etdiyi “Kocaelispor” klubunun “Antalyaspor”la qarşılaşmasında 90 dəqiqə meydanda olub.

Rəşad komandasının minimal hesabla qalib gəldiyi matçın iki ən yaxşı oyunçusundan biri olub. Türkiyə mətbuatı futbolçumuzun çıxışını 7 balla qiymətləndirib. Görüşün iştirakçılarından yalnız onun komanda yoldaşı Mazova Nsumbu eyni qiymətə layiq görülüb.

Qeyd edək ki, bu qələbədən sonra “Kocaelispor” xal hesabını 26-ya çatdırıb. Superliqada qalmağa vəsiqə verən 15-ci pillədən 6 xal geri qalan İzmit təmsilçisi növbəti oyununu mayın 3-də səfərdə “Konyaspor”a qarşı keçirəcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu