Azərbaycan və Özbəkistanın gənclərdən ibarət milli komandaları arasında oyunun vaxtı dəqiqləşib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, 21 yaşlılardan ibarət yığmamızın iştirakı ilə keçiriləcək yoldaşlıq görüşü mayın 20-də saat 18:00-da başlayacaq. Lənkəranda baş tutacaq matç həm Azərbaycan U-21, həm də Özbəkistanın U-20 yığmaları üçün hazırlıq xarakteri daşıyır. Belə ki, komandamız Avropa çempionatının payızda start götürəcək seçmə oyunlarına, qonaqlar isə Misirdə keçiriləcək dünya çempionatının final mərhələsinə hazırlaşır.