“Məğlubiyyətimizə üzülürük. Lakin finala çıxmağımız bizi sevindirir”. Apasport.az saytının məlumatına görə, bu sözləri Bakının “İnter” klubunun baş məşqçisi Valentin Xodukin deyib.

70 yaşlı mütəxəssis Azərbaycan kubokunun yarımfinal mərhələsinin bu gün “Qəbələ” ilə səfərdə keçirilən cavab oyunundan sonra təşkil olunan mətbuat konfransında müdafiəçilərdən narazılıq edib: “İlk oyunda 5:0 hesabı ilə qalib gəlsək də, cavab oyunu bizim üçün heç də asan keçmədi. Artıq 4 ildir Azərbaycandayam və yaxşı bilirəm ki, “Qəbələ” öz futbol siması, öz dəst-xətti olan komandadır. Bugünkü matçda da bizə xeyli çətinliklər yaşatdılar. Xüsusilə də, Kənan Kərimovun fəallığı müdafiəçilərimizi gərginlikdə saxlayırdı. Elə bunun onun özü də bir qol vurdu. Bizim müdafiəçilər isə verilən tapşırıqları tam yerinə yetirə bilmədilər, bəzi səhvlərə yol verdilər”.