Marko van Basten Hollandiyanın “Ayaks” klubunun baş məşqçi postundan istefa verib. Apasport.az saytının məlumatına görə, 44 yaşlı mütəxəssis bunu komandanın uğursuz çıxışı ilə əlaqələndirib. Marko qarşıya qoyulan vəzifəni yerinə yetirə bilmədiyini etiraf edib. O, yeni mövsümdə vəziyyətin yaxşılığa doğru dəyişəcəyinə əsas olmadığını bildirib.

Futbolçu karyerasında 1988-ci ildə Avropa çempionu olan Basten ötən ilin iyulunda “Ayaks”ın baş məşqçi postuna gəlmişdi. O, 4 il çalışdırdığı Hollandiya yığmasından Avropa çempionatından sonra getməyə qərar vermişdi. “Ayaks” çempionatın sonuna bir tur qalmış turnir cədvəlində 3-cü yerdədir. Son görüşdə komandaya Bastenin köməkçisi olmuş, vaxtilə yığmada birgə Avropa çempion olduğu Yon van Sxip rəhbərlik edəcək.

• Çalhanoğlu Premyer Liqaya keçə bilər
• Türkiyə Super Liqasında şok ayrılıq: Prezident istefa verib
• "Fənərbaxça" yeni mövsüm formalarını təqdim edib - VİDEO
• "Karagümrük"də Marsel Liçka dönəmi
• Premyer Liqa klubu müdafiəçisi ilə müqavilə yeniləyib