Tarixində ilk dəfə ev oyununu Lənkəran şəhər stadionunda keçirəcək Azərbaycan milli komandasına azarkeşlər tərəfindən sürpriz hazırlanıb. Apasport.az saytının məlumatına görə, 21 yaşlılardan ibarət yığmanın Özbəkistan U-20-si ilə yoldaşlıq görüşündə yerli fanatlar komandaya böyük dəstək vermək qərarına gəlib.

Heç vaxt qeyri-rəsmi matçlarda böyük azarkeş dəstəyi görməyən gənclər yığmamız bu dəfə dolu tribunalar önündə oynaya bilər. Belə ki, Lənkəranda artıq oyunun hazırlıqlarına başlanılıb. Xüsusilə də canfəşanlıq edən “12-ci oyunçu” fanklubu hazırlıqla bağlı təşkilati məsələlərə start verib. Mayın 20-də keçiriləcək görüş zamanı bir neçə layihəni həyata keçirəcək fanklub stadionda paylanmaq üçün üstündə Azərbaycan dövlət himni olan vərəqələr və eyni sayda üç rəngli bayraqlar hazırlanır. Bundan başqa, “12-ci oyunçu” fanklubu qarşılaşma üçün plakat və şüarların da hazırlanması ilə məşğuldur.

• Çalhanoğlu Premyer Liqaya keçə bilər
• Türkiyə Super Liqasında şok ayrılıq: Prezident istefa verib
• "Fənərbaxça" yeni mövsüm formalarını təqdim edib - VİDEO
• "Karagümrük"də Marsel Liçka dönəmi
• Premyer Liqa klubu müdafiəçisi ilə müqavilə yeniləyib