Premyer Liqamızda 54 saatlıq tur

07.05.2009 - 11:15

Azərbaycan Premyer Liqasında XXV turun oyunlarının keçirilmə yeri və vaxtı dəqiqləşib. Peşəkar Futbol Liqasının mətbuat xidmətindən apasport.az saytına verilən məlumatına görə, turun görüşləri 5 müxtəlif vaxtda başlayacaq.

Belə ki, bürünc mükafata ümidləri qalan komandaların Quzanlıda keçiriləcək oyunu turun ilk qarşılaşması olacaq. Daha iki matç bir saat sonra başlayacaq. Şənbə gününün son görüşü isə Quzanlıdakı qarşılaşma bitəndən sonra başlayacaq. Bir günlük fasilədən sonra bazar ertəsi davam etdiriləcək turun iki oyununun start fiti saat 17:00-da veriləcək. XXV tur isə Zaqatalada bitəcək.

Qeyd edək ki, Quzanlıda başlayan matçla Zaqataladakı görüşün bitməsinədək təxminən 54 saat vaxt keçəcək.

9 may, şənbə

16:00. "Qarabağ" - "Xəzər-Lənkəran"
Quzanlı qəsəbəsi Olimpiya İdman Kompleksinin stadionu

17:00. "Neftçi" - "Bakılı"
Tofiq Bəhramov adına Respublika stadionu

17:00. "Turan" - "Bakı"
Tovuz şəhər stadionu

18:00. "İnter" - "Karvan"
"Şəfa" stadionu

11 may, bazar ertəsi

17:00. MOİK - "Olimpik"
"Şəfa" stadionu

17:00. "Muğan" - "Standard"
Salyan şəhər stadionu

20:00. "Simurq" - "Qəbələ"
Zaqatala şəhər "Simurq" stadionu