Azərbaycan milli komandasının iyunun 2-də Türkiyə ilə Kayseri şəhərində keçirəcəyi yoldaşlıq görüşünün canlı yayımlanması ilə əlaqədar aparılan danışıqlar müsbəti nəticələnib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, “Kadir Has” stadionunda baş tutacaq oyunu ANS yayımlayacaq. Bu haqda bu gün AFFA, ANS və “Azersell” rəhbərliyinin keçirdiyi görüşdə razılıq əldə olunub.
Qeyd edək ki, Türkiyə - Azərbaycan görüşü “Azersell”in sponsorluğu ilə canlı yayımlanacaq.