Braziliya yığmasının futbolçusu Ronaldinyo “Milan” klubunu tərk edəcək. Apasport.az saytının məlumatına görə, italiyalılar ötən ilin yayında “Barselona”dan transfer olunan, lakin Apennin yarımadasında gününün çoxunu ehtiyat oyunçular skamyasında keçirən 29 yaşlı hücumçuya müştəri tapıb.

Braziliyalının Almaniyanın “Bavariya” klubuna keçəcəyi gözlənilir. Belə ki, “Milan” Ronaldinyo ilə Bundesliqa təmsilçisində çıxış edən Luka Tonini dəyişmək istəyir. Bu baş tutarsa, 2006-cı ildə İtaliya yığmasının heyətində dünya çempionu olan 32 yaşlı hücumçu iki illik fasilədən sonra yenidən vətənində çıxış edəcək.