Bakının “İnter” klubunun iki futbolçusu İtaliyaya səfərə hazırlaşır. Apasport.az saytının məlumatına görə, son Azərbaycan çempionu və “Milan” komandası arasında əldə olunan razılığa əsasən, Anar Məhərrəmovla Ramil Mansurov mayın 17-də Milan şəhərinə yollanacaq.

Futbolçular dörd gün davam edəcək səfər müddətində tanışlıq və yoxlanış mərhələsindən keçəcək. Milanda yerləşən Vismara İdman Mərkəzində tibbi müayinədən keçəcək Anarla Ramil yoxlama oyunlarında iştirak edəcəklər. Bundan sonra “Milan”ın rəhbərliyi hər iki futbolçu ilə bağlı yekun rəyini bildirəcək.

Qeyd edək ki, Məhərrəmovla Mansurov ötən ilin oktyabrında "Şəfa" stadionunda keçirilmiş "Milan Junior Camp" layihəsi çərçivəsində "Milan"ın uşaq - yeniyetmə məşqçiləri tərəfindən seçilib.

• "İstanbulspor"dan "Feyenoord"a - RƏSMİ
• "Fənər"in müdafiəçisi Çempionşipdə - RƏSMİ
• "Barselona"nı yox, "Bilbao"nu seçdi – Niko Uilliamsdan 10 illik sədaqət
• "Qalatasaray"dan ayrıldı - MİLLİDƏ İŞLƏYƏCƏK
• Türkiyəli futbolçu İtaliya yolunda - "ROMA" ONU İSTƏYİR