İlqar Qurbanov da yerində sayır, komandası da

15.05.2009 - 22:19

Türkiyə çempionatının birinci divizion təmsilçiləri arasında pley-off mərhələsinin oyunları keçirilib. Apasport.az saytının məlumatına görə, azərbaycanlı futbolçu İlqar Qurbanovun formasını geyindiyi “Boluspor” “Karşıyaka” klubu ilə üz-üzə gəlib.

Paytaxt Ankarada baş tutan görüşdə həmyerlimizin komandası məğlubiyyətlə üzləşib. Matçın əsas və əlavə vaxtında (0:0) qalib müəyyənləşmədiyindən 11 metrlik cərimə zərbələrinə ehtiyac duyulub. Burada rəqibinə 2:3 hesabı ilə yenilən həmyerlimizin komandası Superliqaya çıxmaq şansını itirib.
Qeyd edək ki, Qurbanov bu oyunda meydana çıxmayıb.