Azərbaycan yığmasının futbolçusu Branimir Subaşiçin çıxış etdiyi “Çanqçun Yatay” klubu Çin çempionatında növbəti oyununu keçirib. Apasport.az saytının məlumatına görə, 27 yaşlı hücumçunun komandası “Kvinqdao Şenşenq”lə səfər oyununda 1:2 hesabı ilə məğlub olub. İlk 8 turdan 7-də start heyətində yer alan, lakin qol vurmayan Subaşiç etimadı doğrultmadığından bu dəfə komandasına kömək etməyib. Bu məğlubiyyətdən sonra hesabında 14 xal olan “Çanqçun Yatay” 7-ci pilləyə enib. Subaşiçin komandası liderdən 4 xal geri qalır.