Azərbaycan Premyer Liqasının 14 komandasından yalnız ikisi bir il əvvəlki mövqeyini qorumağa nail olub. Apasport.az saytının hesablamalarına görə, 2007/08 və 2008/09 mövsümlərində “Xəzər-Lənkəran” və “Qarabağ”ın yeri dəyişməz qalıb. Lənkəranlılar ardıcıl ikinci dəfə mükafatçılar sırasından bir addım geridə qalıbsa, ağdamlılar hər iki halda eyni - beşinci olmaqla kifayətlənib. Premyer Liqaya ötən il vəsiqə qazanan üç komanda – “Muğan”, “Bakılı” və MOİK isə elə turnir cədvəlinin son üç pilləsini öz aralarında bölüşdürüb. Bu komandalar ötən mövsüm birinci divizionun üst pillələrində qərarlaşmışdı.

Digər 9 komandaya gəlincə, onların turnir cədvəlindəki mövqeyində dəyişikliklər olub. Çempion olan “Bakı” bir il əvvəllə müqayisədə 7, bürünc mükafatın sahibi “Simurq” 4, “Standard” və “Karvan” 2, “Turan” isə 1 addım irəliləyib. Ötən mövsümün hər üç mükafatçısı mövqeyini əldən verib. “Neftçi” 5, “Olimpik” 4, “İnter” 1 bir pillə geriləyib. Daha bir komanda – “Qəbələ” 2007/08 mövsümündə qazandığı nəticəni 4 pillə pisləşdirib.

	2007/08	2008/09	Fərq
“Bakı”	8	1	+7
“İnter”	1	2	-1
“Simurq”	7	3	+4
“Xəzər-Lənkəran”	4	4	=
“Qarabağ”	5	5	=
“Olimpik”	2	6	-4
“Standard”	9	7	+2
“Neftçi”	3	8	-5
“Karvan”	11	9	+2
“qəbələ”	6	10	-4
“Turan”	12	11	+1
“Muğan”	-	12	-
“Bakılı”	-	13	-
MOİK	-	14	-