MOİK Azərbaycan milli çempionatlar tarixində antirekorda imza atıb. Apasport.az saytının hesablamalarına görə, ordu klubu ikinci dövrədə xal üzünə həsrət qalıb. Fasilədən sonra keçirdiyi 13 oyunun hamısında uduzan MOİK digər komandalarla müqayisədə, ən pis nəticə göstərib. Qəhrəman Əliyevin çalışdırdığı komanda mövsümün ikinci yarısında həm də ən çox top buraxıb.

İlk dövrə ilə nisbətdə ən zəif göstəriciyə malik digər komanda kimi “Karvan”ı qeyd etmək lazımdır. Mükafatlar uğrunda mübarizə aparan, avrokuboklara çıxmağı qarşısına məqsəd qoyan Yevlax klubu qış fasiləsinə 25 xalla 6-cı pillədə yollanmışdı. İkinci dövrədə hesabına cəmi 9 xal yazan “Karvan” yekunda mövsümü 9-cu yerdə başa vurdu.

Çempionluq uğrunda mübarizə aparan “Bakı” ilə “İnter” ikinci dövrədə rollarını dəyişdi. Belə ki, ilk dövrənin qalibi “İnter”, ikinci dövrə və ümumiyyətlə, mövsümün qalibi isə “Bakı” oldu. Birinci dövrə ilə müqayisədə ikinci dövrədə ən çox xalı “Neftçi” toplayıb. Tarixində ən zəif mövsümünü keçirən flaqman mövsümün ikinci yarısında birincindən 2 dəfə çox xal yığıb. “Qəbələ” də ikinci dövrədə çox xal toplasa da, “Neftçi”dən fərqli mövqeyini dəyişməyib. Yəni qəbələlilər elə ikinci dövrəni də 10-cu pillədə bitiriblər.

Dövrələrin müqayisəsini apararkən məlum olur ki, turnir cədvəlində ən böyük irəliləyiş “Turan”a məxsusdur. Belə ki, Tovuz klubu ikinci dövrədə ilk dövrədən düz 4 dəfə çox xal toplayıb. Mövsümün ilk yarısında qələbə üzünə həsrət qalan, son pillədə qərarlaşan “Turan” bu il 5 dəfə meydanı qalib tərk etdi. İkinci dövrədə bu uğurlu çıxış 4 pillə irəliləməyə - 10-cu yerə yüksəlməyə imkan yaratdı.

Qeyd edək ki, bombardirlər yarışında da lider dəyişikliyi baş verib. İlk dövrənin ən sərrast futbolçusu olan “Xəzər-Lənkəran”ın bolqar hücumçusu İvan Svetkov zirvəni əldən verdi. “İnter”in uruqvaylı hücumçusu Valter Quqlemon həm ikinci, həm də cari mövsümün bombardiri oldu.

1-ci dövrənin turnir cədvəli

	komandalar	O	Q	H	M	T	X
1	İnter	13	9	4	0	28-8	31
2	Bakı	13	9	2	2	31-6	29
3	Simurq	13	8	4	1	18-8	28
4	Xəzər-Lənkəran	13	8	2	3	24-12	26
5	Olimpik	13	7	4	2	17-10	25
6	Karvan	13	8	1	4	19-11	25
7	Qarabağ	13	7	3	3	19-15	24
8	Standard	13	6	2	5	12-13	20
9	Neftçi	13	3	4	6	11-11	13
10	Qəbələ	13	3	3	7	13-14	12
11	Bakılı	13	1	3	9	9-32	6
12	Muğan	13	1	2	10	9-24	5
13	MOİK	13	1	2	10	6-26	5
14	Turan	13	0	4	9	3-29	4

Bombardir: İvan Svetkov (“Xəzər-Lənkəran”) – 10


2-ci dövrənin turnir cədvəli

	komandalar	O	Q	H	M	T	X
1	Bakı	13	11	0	2	23-7	33
2	İnter	13	9	3	1	26-8	30
3	Simurq	13	8	1	4	21-12	25
4	Qarabağ	13	7	4	2	16-7	25
5	Xəzər-Lənkəran	13	7	3	3	25-9	24
6	Neftçi	13	6	5	2	19-20	23
7	Qəbələ	13	6	3	4	15-7	21
8	Standard	13	6	1	6	18-18	19
9	Olimpik	13	5	4	4	15-8	19
10	Turan	13	5	1	7	16-16	16
11	Karvan	13	2	3	8	9-22	9
12	Bakılı	13	2	0	11	5-33	6
13	Muğan	13	3	0	10	10-29	9
14	MOİK	13	0	0	0	6-38	5

Bombardir: Valter Quqlemon (“İnter”) - 10


Yekun turnir cədvəli

	komandalar	O	Q	H	M	T	X
1	Bakı	26	20	2	4	54-13	62
2	İnter	26	18	7	1	54-16	61
3	Simurq	26	16	5	5	39-20	53
4	Xəzər-Lənkəran	26	15	5	6	49-21	50
5	Qarabağ	26	14	7	5	35-22	49
6	Olimpik	26	12	8	6	32-18	44
7	Standard	26	12	3	11	30-31	39
8	Neftçi	26	9	9	8	30-21	36
9	Karvan	26	10	4	12	28-33	34
10	Qəbələ	26	9	6	11	28-21	33
11	Turan	26	5	5	16	19-45	20
12	Muğan	26	4	2	20	19-53	14
13	Bakılı	26	3	3	20	14-65	12
14	MOİK	26	1	2	23	12-64	5

Bombardir: Valter Quqlemon (“İnter”) – 17

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb