Azərbaycanın 21 yaşadək futbolçulardan ibarət milli komandasının növbəti yoxlama oyununu idarə edəcək hakimlərin adları məlum olub. Apasport.az saytının məlumatına görə, yığmamızın İngiltərə ilə səfərdə keçirəcəyi matçda ədaləti avstriyalılar qoruyacaq.

İyunun 8-də Bakı vaxtı ilə saat 23:30-da Milton Keynes şəhər stadionunda keçiriləcək qarşılaşmanın baş hakimi Robert Şoergenhofer olacaq. Bu hakim ötən il iyulun 26-da “Neftçi”nin İntertoto kubokunun üçüncü mərhələsində mübarizəni dayandırmasını rəsmiləşdirib. İlk matçda Rumıniyanın “Vaslui” klubunu üstələyən bakılılar cavab qarşılaşmasında 0:2 hesabı ilə uduzaraq, yarışla vidalaşıblar.

2007-ci ildən FİFA hakimi olan 36 yaşlı referiyə həmyerliləri Alan Hoksa və Mario Strudl kömək edəcək. Qarşılaşmanın ehtiyat hakimi isə ingiltərəli Kevin Friend olacaq.

Qeyd edək ki, İngiltərə ilə oyuna qədər U-21 daha iki matça çıxacaq. Bernard Lippertin yetirmələri mayın 20-də Lənkəranda Özbəkistanı qəbul edəcək. İyunun 3-də yığmamız Türkiyənin qonağı olacaq.

8 iyun. İngiltərə - Azərbaycan

Hakim: Robert Şoergenhofer (Avstriya)
Hakimin köməkçiləri: Alan Hoksa, Mario Strudl (hər ikisi Avstriya)
Dördüncü hakim: Kevin Friend (İngiltərə)

• “Qalatasaray”ın futbolçusu Premyer Liqa yolunda
• "Bavariya" heyətini 18 yaşlı futbolçu ilə gücləndirəcək
• "Bayer" mərakeşli futbolçusu ilə müqavilə yenilədi
• "Qalatasaray"da Salah səsləri
• Sabiq "Fənərbaxça"lılar ilk dəfə rəqib olublar