Moskvanın “Spartak” klubunun sabiq futbolçusu Andrey İvanov vəfat edib. Apasport.az saytının məlumatına görə, 42 yaşında dünyasını dəyişən veteran futbolçu son vaxtlar alkoqola aludəçilikdən əziyyət çəkirmiş.

2000-ci ildə futbolçu karyerasını bitirən İvanov “Spartak”ın heyətində SSRİ kuboku, 1992-ci və 1993-cü illərdə Rusiya çempionluğunu və bürünc medal qazanıb. Daha sonra Moskva “Dinamo”suna keçən müdafiəçi gümüş mükafat əldə edib.

“Spartak”ın heyətində 155 oyunda 4 qol vuran İvanov, həmçinin Moskvanın MOİK və “Nika”, Avstriyanın “Tirol” və “Qroyter Fyurt”, Portuqaliyanın “Alverka” klublarında oynayıb. O, SSRİ, MDB və Rusiya yığmalarında çıxış edib. Andrey MDB yığmasının heyətində 1992-ci ildə Avropa çempionatının final mərhələsində iştirak edib.

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb