Uels Futbol Assosiasiyası (FAW) Azərbaycana nota verib. Apasport.az saytının məlumatına görə, buna səbəb milli komandamızla qarşılaşmalı olan britaniyalıların Bakıya gəlmək üçün viza ala bilməmələridir.

FAW rəhbərliyi qəti addım atmağa hazırlaşır. Assosiasiyanın beynəlxalq əlaqələr departamentinin rəisi Mark Evans bildirilib ki, Azərbaycan tərəfinə mayın 27-dək möhlət verilib: “Biz məsələni azərbaycanlı həmkarlarımıza da izah etmişik. Azərbaycana mayın 27-dək vaxt vermişik. Əgər həmin vaxta qədər hətta bir oyunçumuza belə, viza verilməsə, Bakıya getməyəcəyik”.

Qeyd edək ki, Azərbaycanın Böyük Britaniyadakı səfirliyi qaydaların dəyişdiyini əsas gətirərək, uelslilərə viza vermir. Milli komandamızın Uelslə dünya çempionatının seçmə mərhələsindəki oyunu iyunun 6-na təyin olunub.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır