Azərbaycan milli komandasının oyununun yeri dəyişdirilib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, gənclərdən ibarət yığmamızın Türkiyə millisi ilə iyunun 3-də keçiriləcək qarşılaşması İstanbulun “Kasımpaşa” stadionunda baş tutacaq. Bu arena 13500 tamaşaçı tutumuna malikdir. 21 yaşlılardan ibarət yığmalar Bakı vaxtı ilə saat 22:00-da meydana çıxacaq.

Qeyd edək ki, əvvəldən görüşün “Əli Sami Yen”də keçirilməsi nəzərdə tutulmuşdu.