Azərbaycan milli komandasının iyunun 2-də keçiriləcək yoxlama oyunundakı rəqibi Türkiyə yığmasının heyəti mayın 29-da açıqlanacaq. Apasport.az saytının məlumatına görə, 3 gündən sonra adları açıqlanacaq futbolçuların hansı məşqçinin rəhbərliyi altında hazırlaşacağı hələ məlum deyil.

Belə ki, Türkiyə millisinin baş məşqçisinin sağlamlıq durumunun Azərbaycanla qarşılaşmayadək iş başına qayıdıb-qayıtmayacağı ilə bağlı sual hələ də açıq qalır. Öz qayığından yıxılaraq zədələnən və mayın 18-də Kadiköy Acıbadem Hastanesində əməliyyat olunan Terim yalnız bu gün klinik müalicədən qurtulub evinə dönəcək. Bu səbəbdən də həm yığmamızla, həm də Fransa ilə iyunun 5-də keçiriləcək görüşlərə Terimin komandasının onun köməkçilərinin çıxarması gözlənilir.

Qeyd edək ki, iyunun 2-də baş tutacaq Türkiyə - Azərbaycan matçı Kayserinin “Kadir Has” stadionunda keçiriləcək.

• Rafa Silva “Benfika” ilə anlaşıb: Sabah Lissabona gedəcək
• Dennis Şmitt: "Ayntraxt" "Qarabağ"la matçda yaxşı oyun sərgiləyə bilər"
• "Arsenal" İngiltərə millisinin üzvünü icarəyə verir
• “Beşiktaş” Tammy Abraham transferində “Aston Villa” ilə razılığa yaxındır
• Lukas Torreyra: "Heç bir futbolçu "Qalatasaray"dan üstün deyil”