Azərbaycan Premyer Liqasının 2008/09 mövsümünü uğursuz keçirən Bakının “Neftçi” klubunun yay hazırlıqlarının planına aydınlıq gəlib. Komandanın mətbuat xidmətindən apasport.az saytına verilən məlumata görə, bakılılar yeni mövsümə hazırlığı üç mərhələdən ibarət olacaq. İyulun 1-də bir araya gələcək futbolçular ertəsi gün 9 günlük Bakı toplanışında iştirak edəcək. Ayın 11-dən 22-dək isə baş məşqçi Böyükağa Ağayev yetirmələrinə Antalyada təlim keçəcək. Türkiyənin məşhur kurort şəhərindən qayıtdıqdan 5 gün sonra isə “Neftçi” Avropaya üz tutacaq. Son dövrlər hazırlıq məqsədilə İspaniya, Hollandiya, Almaniya kimi ölkələrdə olan flaqmanın bu dəfə hansı istiqamətdə hərəkət edəcəyi dəqiqləşməyib. Bu toplanış iyulun 27-də başlayacaq və iki həftə davam edəcək.