UEFA Çempionlar Liqasının (ÇL) qalibi bəlli olub. Apasport.az saytının məlumatına görə, qitənin ən nüfuzlu klub turnirinin həlledici matçında dünyanın ən güclü komandaları - “Barselona” və “Mançester Yunayted” üz-üzə gəlib.

İtaliya paytaxtı Romadakı “Olimpiya” stadionunda baş tutan qarşılaşma ispanların qələbəsi ilə yekunlaşıb. İsveçrəli FİFA hakimi Massimo Buzakkanın idarə etdiyi görüşdə Samuel Eto və Lionel Messinin vurduğu qollar “Mançester Yunayted”in ardıcıl ikinci dəfə ÇL-in qalibi olmaq arzusunu gözündə qoyub.

Xatırladaq ki, “Barselona” 3 il əvvəl də ÇL-in qalibi olmuşdu.

“Barselona” (İspaniya) – “Mançester Yunayted” (İngiltərə) – 2:0
Roma, Olimpiya stadionu.
Baş hakim Massimo Buzakka (İsveçrə)
Qollar: Samuel Eto, 10; Lionel Messi, 70