İyunun 2-də keçiriləcək Türkiyə - Azərbaycan oyununun biletləri mayın 29-da satışa çıxarılacaq. Apasport.az saytının məlumatına görə, Kayseri şəhərinin “Kadir Has” stadionunda milli komandalar arasında baş tutacaq görüşlərin qiymətləri də məlum olub. Belə ki, matçı izləyənlər üç qiymətə olan biletlər arasında seçim edəcək. Arenanın şimal və cənub tribunalarına biletlər cəmi 2 türk lirəsinə (1 manat) olacaq. Şərq tribunasına giriş üçün 5 (2,5 manat), Qərb tribunasına isə daha baha 10 türk lirəsi (5 manat) ödəməlidir.