AFFA-nın baş katibi Elxan Məmmədov İtaliyaya yollanıb. Apasport.az saytının məlumatına görə, baş katib bu gün paytaxt Romada “Barselona” və “Mançester” Yunayted” klubları arasında keçiriləcək Çempionlar Liqasının final oyununu izləyəcək. Turnirin təşkilatçısı olan UEFA-ya üzv olan bütün milli assosiasiyaların rəhbərliyinə dəvət göndərilib. Məmmədov da bununla bağlı İtaliyaya səfər edib.