Qurban Qurbanov: “Qarabağ”dan mən də gedəcəyəm - MÜSAHİBƏ
30.05.2009 - 11:10
“Qarabağ” futbol klubunun baş məşqçisi Qurban Qurbanovun apasport.az saytına müsahibəsi
- Mehmet Akın gedişi bir çox söz-söhbətlərə yol açıb. Bunu müxtəlif səbəblərlə, həmçinin sizinlə əlaqələndirirlər. Onunla münasibətləriniz həqiqətən pozulmuşdu?
- Heç bir məşqçi işlədiyi yerdə əbədi deyil. Bir gün mən də gedəcəm. Mehmeti "Qarabağ"a mən gətirməmişəm. Bu, rəhbərliyin qərarı idi. Komandaya təzə gələndə fiziki hazırlıq üzrə 2-3 məşqçi ilə danışıqlar apardım, heç biri alınmadı. Axırda rəhbərlikdən dedilər ki, Mehmet adlı birisi var, əvvəl burda işləyib. Heç tanımırdım. Barəsində yaxşı sözlər dedilər. O, "Qarabağ"a belə gəlib. Onun getmək istəməsindən xəbərim yox idi. "Ay işığı"nda keçirilən tədbirdən sonra bildim ki, klubdan ayrılır. Öz işidir.
- "İnter"lə matç zamanı bir-birinizlə danışmırdınız?
- Vallah, yalandır. Kim çıxarıb bunları özündən? Mən komandanın baş məşqçisiyəm. Bütün məsuliyyət məndədir. Nəticəni rəhbərlik ilk növbədə baş məşqçidən soruşur. İxtiyarım var ki, komandada olanlara sözümü deyim. Köməkçilərə də, futbolçulara da söz deyə, irad tuta bilərəm. Amma bunu böyütmək, başqa cür qiymət vermək düzgün deyil. Mehmet işinin öhdəsindən gəlirdi. Mənim ondan narazılığım yox idi. Qalsaydı, daha yaxşı olardı. Getməsi qətiyyən mənimlə bağlı deyil. Rəhbərliklə danışıb gəlmişdi, rəhbərliklə də danışıb getdi. "Qarabağ"ın kuboku qazanmasını gözü götürməyən insanlar var. Onlar çalışır ki, komandadakı ab-havanı pozsun. Mehmetlə bağlı deyilənlər də bu kimi şeylərdir. Mən davakar insan deyiləm. Nə kinliyəm, nə intriqa aparan. Hansı dava-dalaşdan, hansı küsülü gəzməkdən söhbət gedir? Hər şeyin öz yeri var. Köməkçimə söz demək mənim səlahiyyətimdədir. Mehmetə deyə bilərəm ki, sən filan işi filan cür gör.
- Demək ki, aranızda ciddi heç nə olmayıb?
- Bir söz deyim: klubda münasibətlər pisdirsə, biz kuboku da ala bilməzdik. Bəziləri yazır ki, Akla mənim münasibətlərim xeyli vaxtdır korlanıb. Axı bu, necə ola bilər ki, komanda mövsümün son hissəsini yüksək səviyyədə keçirdi? Nə "İnter"lə oyundan qabaq, nə də sonra Akla söz-söhbətim olub. Mən kiminlə necə danışmaq lazım olduğunu, nə deməli olduğumu bilirəm. Son oyun canlı göstərildi. Oyun vaxtı o da texniki zonada əyləşmişdi. Küsmüşdüksə, oyun gedə-gedə söhbətləşməzdik də. Həmişə komandanın içində olmuşuq, məşqi də bir aparmışıq.
- Ak bildirib ki, onu klubda istəməyənlər var idi...
- Kimi nəzərdə tutursa, adıyla desin. Klubda kiminlə problemi ola bilərdi, başa düşmürəm. Hərə öz işi olə məşğuldur. Mehmet gedəndən sonra yeri boş qalmayacaq.
- Namizədiniz varmı?
- Bu barədə danışmaq tezdir. İstirahət vaxtı bitənədək, yəqin ki, seçim edərik.
- Vitse-prezident Tahir Gözəl bildirib ki, klubun məqsədi Avro Liqada 2 mərhələ keçməkdir. Bu, sizcə, realdır?
- Tahir bəy düz söyləyib, məqsədimiz ciddidir. Amma deyə bilmərəm ki, mütləq iki mərhələ keçəcəyik. Püşk hələ atılmayıb. Görək, püşkatmada bəxtimizə kim düşür. Mübarizəyə ikinci mərhələdən başlayacağıq. Bu mərhələdə heç də zəif komandalar olmur.
- Sözsüz, ediləcək transferlərdən də çox şey asılıdır. İndiki heyətlə Avropada 2 mərhələ keçmək bir qədər çətindir...
- Heyətin gücləndirilməsini mən də istəyirəm. "Qarabağ" üstünlüyü yerli oyunçulara verir. Komandada cəmi 5 legioner var. Ən az legioneri olan klublardan biriyik. Mən yenə yerli uşaqlara üstünlük verəcəm. Finalda cəmi 1 legionerin xidmətindən istifadə elədim, o da Admir Telli idi. Telli Premyer Liqada oynayan legionerlər içərisində ən güclülərindən biridir. Onun kimi və daha səviyyəli legionerlər olsa, alacağıq.
- Düşərgədən kənarlaşdıracağınız futbolçuları müəyyənləşdirmisiniz?
- Çox dəyişiklik etməyəcəm. Komandanın "onurğa sütunu" var. Yerli futbolçulardan, yəqin ki, gedən olmayacaq. Vaqif Cavadovu Rusiya klubları istəyir. Baxaq, hansı real təklifdir. Azərbaycan futbolu naminə onu yaxşı bir kluba verə bilərik.
- Georgi Adamiya və Rəşad Sadıqovu "Neftçi"dən çox yaxşı tanıyırsınız. Adamiyanın "Bakı" ilə müqaviləsi bitib, Rəşad isə artıq gələn həftə "Kocaelispor"dan ayrıla bilər. Onları "Qarabağ"a gətirmək istəmirsiniz?
- Hər ikisi yaxşı futbolçudur. Düzü, Avrokuboklarda "Qarabağ"a kömək etmələrini çox istərdim. Adamiyanın yarımmüdafiənin istənilən yerində rahat oynatmaq olar. Rəşad da gəlsə, Azərbaycanda ən güclü müdafiə xətti "Qarabağ"da olar.
- Onlarla danışıqlar aparacaqsınız?
- Mətbuatda oxudum ki, Adamiya Avropaya getmək istəyir. Qışda gətirmək istəyirdim onu. Transfer haqqı yüksək olduğu üçün alınmadı. "Bakı" da saxlamaq istəyir Adamiyanı. Rəşadın da, açığı, Azərbaycana qayıtmasını istəmirəm. Karyerasını Türkiyədə davam etdirməsi ölkəmiz adına daha yaxşı olardı. "Kocaelispor"da əsas heyətdə oynayır. Bütün Türkiyə ondan danışır. Bildiyimə görə, 3-4 klubdan təklif alıb. Azərbaycana qayıtması çox tezdir.
- "Qarabağ"la bir mövsümü başa vurdunuz. Yeni müqavilə bağlamısınız?
- Mənim klubla 1 illik müqaviləm var. Özü də indi bağlamamışam, mövsümün əvvəlində olub.
- Mehmet Akın gedişi bir çox söz-söhbətlərə yol açıb. Bunu müxtəlif səbəblərlə, həmçinin sizinlə əlaqələndirirlər. Onunla münasibətləriniz həqiqətən pozulmuşdu?
- Heç bir məşqçi işlədiyi yerdə əbədi deyil. Bir gün mən də gedəcəm. Mehmeti "Qarabağ"a mən gətirməmişəm. Bu, rəhbərliyin qərarı idi. Komandaya təzə gələndə fiziki hazırlıq üzrə 2-3 məşqçi ilə danışıqlar apardım, heç biri alınmadı. Axırda rəhbərlikdən dedilər ki, Mehmet adlı birisi var, əvvəl burda işləyib. Heç tanımırdım. Barəsində yaxşı sözlər dedilər. O, "Qarabağ"a belə gəlib. Onun getmək istəməsindən xəbərim yox idi. "Ay işığı"nda keçirilən tədbirdən sonra bildim ki, klubdan ayrılır. Öz işidir.
- "İnter"lə matç zamanı bir-birinizlə danışmırdınız?
- Vallah, yalandır. Kim çıxarıb bunları özündən? Mən komandanın baş məşqçisiyəm. Bütün məsuliyyət məndədir. Nəticəni rəhbərlik ilk növbədə baş məşqçidən soruşur. İxtiyarım var ki, komandada olanlara sözümü deyim. Köməkçilərə də, futbolçulara da söz deyə, irad tuta bilərəm. Amma bunu böyütmək, başqa cür qiymət vermək düzgün deyil. Mehmet işinin öhdəsindən gəlirdi. Mənim ondan narazılığım yox idi. Qalsaydı, daha yaxşı olardı. Getməsi qətiyyən mənimlə bağlı deyil. Rəhbərliklə danışıb gəlmişdi, rəhbərliklə də danışıb getdi. "Qarabağ"ın kuboku qazanmasını gözü götürməyən insanlar var. Onlar çalışır ki, komandadakı ab-havanı pozsun. Mehmetlə bağlı deyilənlər də bu kimi şeylərdir. Mən davakar insan deyiləm. Nə kinliyəm, nə intriqa aparan. Hansı dava-dalaşdan, hansı küsülü gəzməkdən söhbət gedir? Hər şeyin öz yeri var. Köməkçimə söz demək mənim səlahiyyətimdədir. Mehmetə deyə bilərəm ki, sən filan işi filan cür gör.
- Demək ki, aranızda ciddi heç nə olmayıb?
- Bir söz deyim: klubda münasibətlər pisdirsə, biz kuboku da ala bilməzdik. Bəziləri yazır ki, Akla mənim münasibətlərim xeyli vaxtdır korlanıb. Axı bu, necə ola bilər ki, komanda mövsümün son hissəsini yüksək səviyyədə keçirdi? Nə "İnter"lə oyundan qabaq, nə də sonra Akla söz-söhbətim olub. Mən kiminlə necə danışmaq lazım olduğunu, nə deməli olduğumu bilirəm. Son oyun canlı göstərildi. Oyun vaxtı o da texniki zonada əyləşmişdi. Küsmüşdüksə, oyun gedə-gedə söhbətləşməzdik də. Həmişə komandanın içində olmuşuq, məşqi də bir aparmışıq.
- Ak bildirib ki, onu klubda istəməyənlər var idi...
- Kimi nəzərdə tutursa, adıyla desin. Klubda kiminlə problemi ola bilərdi, başa düşmürəm. Hərə öz işi olə məşğuldur. Mehmet gedəndən sonra yeri boş qalmayacaq.
- Namizədiniz varmı?
- Bu barədə danışmaq tezdir. İstirahət vaxtı bitənədək, yəqin ki, seçim edərik.
- Vitse-prezident Tahir Gözəl bildirib ki, klubun məqsədi Avro Liqada 2 mərhələ keçməkdir. Bu, sizcə, realdır?
- Tahir bəy düz söyləyib, məqsədimiz ciddidir. Amma deyə bilmərəm ki, mütləq iki mərhələ keçəcəyik. Püşk hələ atılmayıb. Görək, püşkatmada bəxtimizə kim düşür. Mübarizəyə ikinci mərhələdən başlayacağıq. Bu mərhələdə heç də zəif komandalar olmur.
- Sözsüz, ediləcək transferlərdən də çox şey asılıdır. İndiki heyətlə Avropada 2 mərhələ keçmək bir qədər çətindir...
- Heyətin gücləndirilməsini mən də istəyirəm. "Qarabağ" üstünlüyü yerli oyunçulara verir. Komandada cəmi 5 legioner var. Ən az legioneri olan klublardan biriyik. Mən yenə yerli uşaqlara üstünlük verəcəm. Finalda cəmi 1 legionerin xidmətindən istifadə elədim, o da Admir Telli idi. Telli Premyer Liqada oynayan legionerlər içərisində ən güclülərindən biridir. Onun kimi və daha səviyyəli legionerlər olsa, alacağıq.
- Düşərgədən kənarlaşdıracağınız futbolçuları müəyyənləşdirmisiniz?
- Çox dəyişiklik etməyəcəm. Komandanın "onurğa sütunu" var. Yerli futbolçulardan, yəqin ki, gedən olmayacaq. Vaqif Cavadovu Rusiya klubları istəyir. Baxaq, hansı real təklifdir. Azərbaycan futbolu naminə onu yaxşı bir kluba verə bilərik.
- Georgi Adamiya və Rəşad Sadıqovu "Neftçi"dən çox yaxşı tanıyırsınız. Adamiyanın "Bakı" ilə müqaviləsi bitib, Rəşad isə artıq gələn həftə "Kocaelispor"dan ayrıla bilər. Onları "Qarabağ"a gətirmək istəmirsiniz?
- Hər ikisi yaxşı futbolçudur. Düzü, Avrokuboklarda "Qarabağ"a kömək etmələrini çox istərdim. Adamiyanın yarımmüdafiənin istənilən yerində rahat oynatmaq olar. Rəşad da gəlsə, Azərbaycanda ən güclü müdafiə xətti "Qarabağ"da olar.
- Onlarla danışıqlar aparacaqsınız?
- Mətbuatda oxudum ki, Adamiya Avropaya getmək istəyir. Qışda gətirmək istəyirdim onu. Transfer haqqı yüksək olduğu üçün alınmadı. "Bakı" da saxlamaq istəyir Adamiyanı. Rəşadın da, açığı, Azərbaycana qayıtmasını istəmirəm. Karyerasını Türkiyədə davam etdirməsi ölkəmiz adına daha yaxşı olardı. "Kocaelispor"da əsas heyətdə oynayır. Bütün Türkiyə ondan danışır. Bildiyimə görə, 3-4 klubdan təklif alıb. Azərbaycana qayıtması çox tezdir.
- "Qarabağ"la bir mövsümü başa vurdunuz. Yeni müqavilə bağlamısınız?
- Mənim klubla 1 illik müqaviləm var. Özü də indi bağlamamışam, mövsümün əvvəlində olub.
Oxşar xəbərlər
Ana səhifə
Bütün xəbərlər