İyunun 9-da Tofiq Bəhramov adına Respublika stadionunda milli komandamızla yoldaşlıq görüşü keçirəcək İspaniya yığması Bakıya itkilərlə gələ bilər. Apasport.az saytının məlumatlına görə, “Barselona” klubunun yarımmüdafiəçisi Andreas İniyesta zədələndiyindən onun ölkəmizə gələcəyi sual altındadır.

Belə ki, İniyesta Çempionlar Liqasını finalında “Mançester Yunayted”ə qarşı oyuna zədəli çıxıbmış. Bu səbəbdən həkimlər məşhur futbolçunun yığmamızla oyunda meydana çıxmamasını məsləhət görüblər.

Məlum olub ki, hələ “Çelsi” ilə “Stemford Bric” stadionunda baş tutan yarımfinal görüşündə sağ ayağında əzələsi dartılan 25 yaşlı futbolçu həlledici matça çıxmaqla risk edibmiş.