Türkiyə Superliqasının son turunda səfərdə “Dənizlispor”u məğlub edərək çempion olan “Beşiktaş”ın baş məşqçisi Mustafa Dənizli tarixə düşüb. Apasport.az saytının məlumatına görə, 1959-cu ildən başlayan liqada 11 çempionluq yaxalayan “qara qartallar” ilk dəfə bu sevinci terk mütəxəssislə yaşayıb.

Belə ki, əvvəlki 10 çempionluqda əcnəbi məşqçilər komanda zirvəyə daşıyıb. “Beşiktaş” 1959-1960 mövsümündə macar Andres Kutik, 1965-1966 və 1966-1967-də yuqoslav Lyubişa Spajiç, 1982-83-də yuqoslav Dorde Miliç, 1985-1986-da yenə də yuqoslav Branko Stankoviç, 1989-1990, 1990-1991, 1991-1992-də ingilis Gordon Milne, 1994-1995-də alman Kristof Daum və son olaraq 2002-2003 mövsümündə rumın Mirça Luçesku ilə çempionluq yaşamışdı.