Madridin “Atletiko” klubunun hücumçusu Dieqo Forlan “Qızıl buts”a sahib çıxıb. Apasport.az saytının məlumatına görə, 30 yaşlı uruqvaylı Avropada çempionatların yekununa əsasən ən sərrast futbolçuya verilən bu mükafatı Primeroda vurduğu 32 qolla qazanıb.

Karyerasında ikinci dəfə “Qızıl buts”a sahib çıxan Dieqo son turda “Almeriya” ilə görüşdə vurduğu gözəl qolla çempionatın bombardiri olub. Primeroda 38 oyunun 33-də iştirak edən Forlan bu mükafat uğrunda mübarizədə avstriyalı Marko Yankonu qabaqlayıb.

“Zalsburq” klubunun hücumçusu son turda “Altax”ı böyük hesablı məğlub etdikləri oyunda qol vura bilmədiyindən “Qızıl buts”dan əlini üzməli olub.

• "Yunayted"dən Bruno Fernandeş qərarı – Komandanın ən çox qazananı olacaq
• Acun Ilıcalıdan "Hall Siti" azarkeşlərinə transfer mesajı – 11 futbolçu ilə danışıqlar gedir
• "Arsenal" Tzolisi rəsmən açıqladı – Yunanıstanlı vingerlə 5 illik müqavilə
• "Fənərbaxça"da kütləvi istefa – Növbədənkənar seçki keçiriləcək
• Adeyemi "Barselona"da – Rəsmi