Məşhur braziliyalı futbolçu Kaka yeni mövsümdən Madrid “Real”ında oynayacaq. Apasport.az saytının Türkiyə mətbuatına istinadən məlumatına görə, “Kral klubu” son illərdə “Milan”da forma geyinən 27 yaşlı hücumameylli yarımmüdafiəçini 60 milyon avroya transfer edib. Tərəflər arasında ilkin razılıq hələ mayın 16-da imzalanmışdı. “Real”la 5 illik müqavilə bağlayan Kaka ildə 9 milyon avro qazanacaq.

“Milan”la çoxsaylı titullar qazanan Kaka Braziliya milli komandasının heyətində dünya çempionu olub, 2007-ci ildə isə həm dünyanın, həm də Avropanın ən yaxşı futbolçusu seçilib.

• "Liverpul" Avropa çempionunu istəyir
• “Ulduz Cup”a yekun vuruldu
• Almaniyalı məşqçi yol qəzasında vəfat edib
• "Trabzonspor" Portuqaliya klubunun iki futbolçusunu transfer edib
• "Qarabağ"ın rəqibi futbolçusunu Türkiyə klubuna icarəyə göndərib