İspaniyanın “Real” klubunun yeni baş məşqçisinin kimliyinə aydınlıq gəlib. Apasport.az saytının məlumatına görə, Madrid təmsilçisini Manuel Pelleqrini çalışdıracaq. İspaniyanın məşhur “Marka” qəzeti tərəflər arasında iki illik müqavilənin imzalandığını iddia edir.

Həmkarlarımız mütəxəssisin təqdimat mərasiminin yaxın günlərdə keçiriləcəyini bildirir. Pelleqrini ilə anlaşma prezident postuna qayıdan Florentino Peresin ilk addımı kimi dəyərləndirilir.

Qeyd edək ki, son 5 ildə “Vilyarreal”a rəhbərlik edən çilili çalışdırıcı bu klubun tarixində ən yüksək nəticələrə imza atıb. 55 yaşlı baş məşqçi 3 il əvvəl komandasını Çempionlar Liqasının yarımfinalına, ötən il isə İspaniya çempionatının gümüş medalına daşıyıb.

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır