Bakının “İnter” klubu Fransada beynəlxalq turnirin qalibi olub. Apasport.az saytının məlumatına görə, paytaxt təmsilçisinin 1993/94-cü il təvəllüdlülərdən ibarət komandası Lil şəhərində təşkil olunan turniri məğlubiyyətsiz başa vurub.

Finalda meydan sahibləri, daha dəqiq desək, İSTR komandası ilə görüşən “İnter” 2:1 hesablı qələbə qazanıb. Komandamızdan qolları Əbülfəz Hüseynli və penalti zərbəsi ilə Fərid Səmədzadə vurub. Təşkilatçılar Fərdi Ağayevi turnirin ən yaxşı qapıçısı, Ramil Mansurovu isə bombardiri nominasiyasında mükafata layiq görüb.

Qeyd edək ki, ötən ilin mayında keçirilmiş turnirə "İnter"in 1992/93-cü il təvəllüdlü futbolçularından ibarət komandası bürünc medal qazanıb.

• “Qalatasaray”da ciddi itkilər
• Avstraliya millisi baş məşqçisi ilə vidalaşdı
• Avropa nəhəngləri Fransa klubunun futbolçusu ilə maraqlanır
• Burak Yılmaz Trabzonda söyüldü - VİDEO
• İkardi komanda ilə məşqlərə başladı