Almaniya milli komandası Bakıya darmadağınla gəlir. Apasport.az saytının məlumatına görə, Yoahim Lövün çalışdırdığı yığma Birləşmiş Ərəb Əmirlikləri (BƏƏ) millisi ilə Dubayda keçirilən yoldaşlıq görüşündə böyük hesablı qələbə qazanıb – 7:2. Bu qələbədə “Ştutqart” klubunda çıxışı ilə tanınan, yeni mövsümdən isə “Bavariya”da oynayacaq Mario Qomesin böyük rolu olub. Belə ki, əslən braziliyalı olan hücumçu oyunun 35, 45, 47 və 90-cı dəqiqələrdə vurduğu qollarla poker edib. Almaniyadan digər qolların müəllifləri Hayko Vestermann (29-cu dəqiqə) ilə Pyotr Troxovski (39-cu dəqiqə) olub. 52-ci dəqiqədə rəqib futbolçu Yumanın avtoqolu da almanlara kömək olub.

Qeyd edək ki, 2010-cu il dünya çempionatının seçmə mərhələsində növbəti rəsmi oyununu avqustun 12-də Bakıda milli komandamıza qarşı keçirəcək bundestim hazırlıq çərçivəsində Asiyada səfərdə olub. Lövün yetirmələri BƏƏ ilə görüşədək Şanxayda Çin yığması ilə 1:1 hesablı heç-heçə edib. Milli komandamız isə BƏƏ ilə tarixində cəmi bir dəfə görüşüb ki, 2003-cü il dekabrında Dubayda keçirilən həmin yoxlama oyunu 3:3 hesabı ilə nəticələnib.

• “Qalatasaray”da ciddi itkilər
• Avstraliya millisi baş məşqçisi ilə vidalaşdı
• Avropa nəhəngləri Fransa klubunun futbolçusu ilə maraqlanır
• Burak Yılmaz Trabzonda söyüldü - VİDEO
• İkardi komanda ilə məşqlərə başladı