“Bu, mənim Bakıya ikinci səfərimdir. Bura qələbə qazanmaq üçün gəlmişik”. Apasport.az saytının məlumatına görə, bunu Uels milli komandasının baş məşqçisi Con Toşak bu gün Bakıda keçirdiyi mətbuat konfransında deyib.

2010-cu il dünya çempionatının seçmə mərhələsi çərçivəsində sabah Tofiq Bəhramov adına Respublika stadionunda Azərbaycanla görüşəcək təcrübəli uelsli mütəxəssis heyətdəki itkilərdən gileylənib: “10 futbolçu müxtəlif səbəbdən yığmadan kənarda qalıb. Azərbaycandan ehtiyatlanırıq, amma geriyə yol yoxdur”.

Toşak bildirib ki, iyunun 2-də Kayseri şəhərində yoldaşlıq görüşü keçirəcək Türkiyə - Azərbaycan oyunu haqda məlumatlıdır: “Həmin görüşü köməkçim izləyib. Hesab edirəm ki, Azərbaycanın 50-ci dəqiqədə azlıqda qalması nəticəyə təsir göstərdi. Milli komandanızın baş məşqçisi Berti Foqtsun Uels üzərində qələbə qazanmaq istəyini normal qarşılayıram”.

• “Qalatasaray”da ciddi itkilər
• Avstraliya millisi baş məşqçisi ilə vidalaşdı
• Avropa nəhəngləri Fransa klubunun futbolçusu ilə maraqlanır
• Burak Yılmaz Trabzonda söyüldü - VİDEO
• İkardi komanda ilə məşqlərə başladı