Sabah Tofiq Bəhramov adına Respublika stadionunda dünya çempionatının seçmə mərhələsi çərçivəsində Azərbaycan və Uels yığmaları arasında keçiriləcək matçı xanım azarkeşlər də izləyəcək. Bu haqda apasport.az saytına AFFA-nın fan-klublar üzrə əlaqələndiricisi Elnur Məmmədov məlumat verib.

O bildirib ki, yığmamızın sabahkı qarşılaşmasına 200-dək xanım azarkeşin gələcəyi gözlənilir: “İrəli” Gənclər Təşkilatı xanımlardan ibarət fan-klub yaradıb. Həmin xanımlar ilk dəfə olaraq, sabah Azərbaycan-Uels görüşündə yığmamızı dəstəkləyəcəklər. İnanırıq ki, bu yolla xanımlarımızın stadionlara gəlişini təmin edəcəyik və gələcəkdə onların sayı çox olacaq”.

Məmmədovun sözlərinə görə, milli komandamızı sabah “Neftçi”, “Bakı”, “Xəzər-Lənkəran” və “İnter”in fanatları da birgə dəstəkləyəcəklər. AFFA rəhbərliyi onları pulsuz biletlə təmin edəcək. Stadiona bu klubların ümumilikdə, 1000-ə yaxın azarkeşinin təşrif buyuracağı ehtimal olunur.

Bundan başqa, avrokuboklarda da müxtəlif klubların fanatları birgə fəaliyyət göstərəcəklər. Onlar birləşərək, eyni komandaya dəstək verəcəklər.

• "Qarabağ"ın 10 oyunçusu milli komandalarda
• “Real”ın qapıçısı millinin düşərgəsinə qoşulmayacaq
• Türkiyə millisinin heyətində ciddi itki
• "Mançester Yunayted" "Real"ın forvardını almaq istəyir
• Hakimə yumruq vuran klub prezidentinə həbs verildi