Bakının “Neftçi” komandasının futbolçusu Adrian Nyaqa vətəni Rumıniyada iki dostu ilə birgə restoran açıb. Apasport.az saytının lent.az-a istinadən verdiyi məlumata görə, “Spazio” adlanan restoran ikimərtəbəlidir.

Birinci mərtəbədə müştərilərə italyan yeməkləri təklif edilir. İkinci mərtəbədə isə şüşədən qeyri-adi restoran və rəqs meydançası olacaq. Hələlik yalnız birinci mərtəbə fəaliyyətdədir.

Bu ilin yanvarında “Neftçi” ilə ilyarımlıq müqavilə bağlayan Nyaqa klubu barədə də danışıb: “Biz ötən mövsümü 8-ci pillədə başa vurduq. Yeni mövsümdə isə məqsədimiz titul qazanmaqdır. “Neftçi” keçmiş SSRİ dövründə yaradılıb və böyük ənənələrə malikdir. 3-4 ildən sonra Azərbaycan Rumıniya səviyyəsinə çatacaq. Ötən ilin noyabrında klubda qalmaqallar baş verib. Buna görə “Neftçi”nin çıxışı zəif alınıb”.

30 yaşlı hücumçu “Neftçi”dəki durumundan razı qaldığını da bildirib.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA