Bakının “İnter” klubu 6 futbolçusu ilə yollarını ayırıb. Apasport.az saytının məlumatına görə, boliviyalı Auqusto Andaveris, braziliyalılar Karlos Velton, Adriano Silva, Kleyton, bolqarıstanlı Svilen Semyonov və latviyalı Vladimir Kolesniçenko bakılıların sıralarını tərk edib. Komandanın yeni baş məşqçisi Kaxaber Sxadadze sələfi Valentin Xodukinin dövründə transfer olunan bu futbolçuları heyətdə saxlamağı lazım bilməyib.

Qeyd edək ki, paytaxt təmsilçisi Avropa Liqasına Türkiyənin Antalya şəhərində hazırlaşır.

Mənbə: extratime.az