“Vallah mən Ağasəlim Mircavadov adlı məşqçi tanımıram”. Bunu apasport.az saytına açıqlamasında “Xəzər-Lənkəran” klubundan ayrılmaq istəyən türkiyəli futbolçu Əhməd Dursun deyib.

Son 4 ayda şərəfini qoruduğu cənub komandasında baş verən islahatlardan xəbərsiz olduğunu bildirən Dursunun fikrincə, “Xəzər-Lənkəran”ı yerli məşqçi çalışdırsa, daha yaxşı olar: “Heç yeni məşqçinin adını da eşitməmişəm. Bəyəm “Xəzər-Lənkəran”ı o çalışdıracaq? Fikrimcə, komandanın sükanı arxasında azərbaycanlı məşqçinin olması yaxşı haldır. Çünki çempionata bələddir, futbolçuları da yaxşı tanıyar”.