“Olimpik-Şüvəlan”ın məşqçisi Nazim Əliyev istefa verib. Apasport.az saytının məlumatına görə, əvəzedici komandanın baş məşqçisi olan 46 yaşlı mütəxəssis fəaliyyətini Qroznının “Terek” komandasında davam etdirəcək. O, Azərbaycan yığması və “Qarabağ”-Azərsun”da olduğu kimi, indi də baş məşqçi Şahin Diniyevin köməkçisi olacaq. Əliyev “Olimpik”dən ayrılmasına əsas səbəb kimi Diniyevin onun yanına çağırmasını göstərib.

Qeyd edək ki, Diniyev bu ilin yanvarından “Terek”in gənclərdən ibarət komandasının baş məşqçisidir.