“Qəbələ” klubu mövsümlərarası fasilədə ilk transferini gerçəkləşdirib. Apasport.az saytının məlumatına görə, əyalət komandası milli komandamızın sabiq üzvü Murad Ağakişiyevlə anlaşıb.

24 yaşlı hücumçu “Qəbələ” ilə 1 illik müqavilə bağlayıb. O, ötən mövsümün ilk dövrəsini “Qarabağ”da, ikinci hissəsini isə “Karvan”da keçirib. Hazırda “Karvan”ın vəziyyəti ürəkaçan olmadığından, Murad iş yerini dəyişmək qərarına gəlib.

“Qəbələ”nin futbolçuları yeni çempionatın hazırlığına iyulun 1-də başlayacaqlar. Qəbələdə 20 günlük hazırlığın ardından baş məşqçi Ramiz Məmmədov yetirmələrini Türkiyənin İzmit şəhərinə aparacaq. Komandanın Türkiyədəki təlim-məşq toplanışı avqustun 5-dək davam edəcək.