Misir yığması CAR-da Konfederasiyalar kuboku çərçivəsində İtaliya ilə matçda iştirak etdiyi zaman komandanın qaldığı oteldə bəzi futbolçuların otaqlarında oğruluq baş verib. Apasport.az saytının məlumatına görə, oğrular misirlilərin böyük məbləğdə nağd pulunu - bir neçə min dollarını aparıblar. CAR polisi artıq hadisə ilə bağlı istintaqa başlayıb.

Yeri gəlmişkən, Misir yığması italyanlara qalib gələn (1:0) ilk Afrika komandası olub. İtaliya millisi bundan əvvəl ən pis halda 1982-ci ilin dünya çempionatında Kamerunla (1:1) və 2005-ci ildə Kot d’İvuarla (1:1) heç-heçə etmişdi.