“Vətənə kubokla dönmək istəyirdik. Belarus yığması ilə oyunumuz alınmadı”. Apasport.az saytının məlumatına görə, bu sözləri Azərbaycanın 17 yaşlılardan ibarət milli komandasının futbolçusu Kazım Kazımlı deyib.

Moldovada keçirilən “FA of Moldova Cup” turnirində ikinci olan yığmamızın ön xətt oyunçusu Kişinyovda fərdi mükafata da sahib olub. Yarışın ən yaxşı hücumçusu seçilən Kazım bununla bağlı fikirlərini AFFA-nın rəsmi internet saytına açıqlayıb: “Turnirin ən yaxşı hücumçusu seçilməyim mənim üçün gözlənilməz oldu. Bu, təkcə mənim yox, bütün komanda yoldaşlarımın əməyinin nəticəsidir”.

Qeyd edək ki, Azərbaycan yığması bu turnirdə Moldova və Rumıniyanı 2:1 hesabı ilə məğlub edib, Belarusa 0:2 hesabı ilə uduzaraq yarışı ikinci pillədə başa vurub.

• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu