“Bakı”nın Çempionlar Liqasında bəxti gətirdi

22.06.2009 - 14:24

İsveçrənin Nyon şəhərində futbol klubları arasında Avropa miqyaslı yarışların 2009/10 mövsümünün püşkü atılır. Apasport.az saytının məlumatına görə, Çempionlar Liqası və Avropa Liqasının (keçmiş UEFA kuboku) ilk iki təsnifat mərhələsinin püşkatması keçirilir.

Bu yarışlarda Azərbaycanı 4 klub təmsil edəcək. Premyer Liqanın son qalibi “Bakı” Çempionlar Liqasında, “İnter”, “Simurq” və “Qarabağ” isə Avropa Liqasında qüvvəsini sınayacaq. “Bakı” və “Qarabağ” yarışacaqları turnirlərdə ikinci mərhələdən mübarizəyə başlayacaqlar. “İnter” və “Simurq” isə Avropa Liqasında elə ilk mərhələdə qüvvələrini sınayacaqlar.

Apasport.az saytı Çempionlar Liqasının püşkatmasını oxuculara onlayn təqdim edib.

Çempionlar Liqası
I təsnifat mərhələsi

1. “Sent Culiya” (Andorra) - “Tre Fiore” (San Marino)
2. “Hibernians” (Malta) - “Moqren Budva” (Çernoqoriya)

II təsnifat mərhələsi
1.“Tirana” (Albaniya) - “Stabek” (Norveç)
2.“VİT-Corciya” (Gürcüstan) - “Maribor” (Sloveniya),
3.“Streymur” (Farer adaları) - APOEL (Kipr)
4.“Kopenhagen” (Danimarka) - birinci təsnifat mərhələsində 2-cü cütün qalibi
5.“Debretsen” (Macarıstan) - “Kalmar” (İsveç)
6.“Makedoniya” (Makedoniya) - BATE (Belarus)
7.“Hafnarfyordur” (İslandiya) - “Aktobe” (Qazaxıstan),
8.“Pünik” (Ermənistan) - “Dinamo” (Xorvatiya)
9.“Ventspils” (Latviya) - “Dudelanj” (Lüksemburq)
10.“Ekranas” (Litva) - “Bakı” (Azərbaycan)
11.“Zaltsburq” (Avstriya) - “Bohemians” (İrlandiya)
12.“Zrinski” (Bosniya və Herseqovina) - “Slovan” (Slovakiya)
13.“İnter” (Finlandiya) - “Şerif” (Moldova)
14.“Ril” (Uels) - “Partizan” (Serbiya)
15.“Visla” (Polşa) - “Levadiya” (Estoniya)
16.“Levski” (Bolqarıstan) - birinci təsnifat mərhələsində 1-ci cütün qalibi
17.“Makkabi” (Hayfa, İsrail) - “Qlentoran” (Şimali İrlandiya)

“Bakı” ilk oyununu iyulun 14-15-də səfərdə, cavab matçını isə bundan bir həftə sonra paytaxtımızda keçirəcək.