Bolqarıstanlı futbolçu Radomir Todorov daha bir il “Xəzər-Lənkəran” komandasının şərəfini qoruyacaq. Apasport.az saytının məlumatına görə, klubla daha bir il müddətinə anlaşdığını 29 yaşlı müdafiəçini özü açıqlayıb: “İki ildir oynadığım “Xəzər-Lənkəran”la daha bir il müddətinə müqavilə bağladım. Arxada qalan iki mövsüm isə bir-birindən fərqli oldu. İlk mövsümdə kuboku qazansaq da, çempion ola bilmədik. Əvəzində Çempionlar Liqasında güclü Zaqreb “Dinamo”suna uduzsaq da, yaxşı oynadıq. Üstəlik, “Birlik kuboku”nu da əldə etdik. Son mövsümdə isə heç nə qazanmadıq. Etiraf edim ki, “Xəzər-Lənkəran”ı tərk etmək istəyirdim. Fevralda – oğlum Teodor dünyaya gələndə vətənə qayıtmalı olduğuma qərar vermişdim. Elə Varna “Spartak”ında oynayacaqdım. Amma sonradan yaxşı götür-qoy etdim və daha bir il “Xəzər-Lənkəran”da oynamağa razılıq verdim”.

• “Beşiktaş” istəmədi - İNGİLTƏRƏDƏ QALACAQ
• “Çelsi”dən “Arsenal”a - RƏSMİ
• Portuqaliya millisinin üzvü İspaniya klubunu tərk edib
• "Cimbom"a xəyanət şoku: "Çalhanoğlu" addım-addım "Fənərbaxça"ya
• "İnter" Çalhanoğlu transferi barədə: "Razılığa gəlmək mümkün deyil"