Azərbaycanı Çempionlar Liqasında təmsil edəcək “Bakı” klubu Sloveniyaya yollanıb. Komandanın baş məşqçisi Qyoko Hacıyevski apasport.az saytına açıqlamasında səfərə tam heyətlə çıxmadıqlarını bildirib. Onun sözlərinə görə, əsas problem qapıçı Xalidu Sissoko ilə bağlıdır.

“Vətəni Seneqala istirahətə getmiş əsas qapıçımız Sissoko sıralarımıza gəlib çıxmayıb. Hələ də onun yolunu gözləyirik. Onun pasport problemi var. Xalidu Bakıda bu problemi, viza məsələsini yoluna qoyduqdan sonra Sloveniyaya yollana bilər” - deyə Hacıyevski vurğulayıb.

Baş məşqçi bildirib ki, digər afrikalı futbolçu - hücumçu Əhməd Ticaninin hazırlıqda iştirak etməsi üçün problem yoxdur. Ancaq moldovalı yarımmüdafiəçi Vadim Borets pasport, viza məsələni həll etməli olduğundan, o da hazırlığa bir qədər sonra qoşulacaq. “Bakı” Çempionlar Liqasında “Ekranas”la ilk oyunu səfərdə keçirəcəyindən, komandanın Litvaya birbaşa Sloveniyadan yollanması nəzərdə tutulub.

• “Beşiktaş”da ciddi itki
• Qvardiola “Barsa”nın yarımmüdafiəçisini istəyir
• Premyer Liqanı La Liqaya dəyişə bilər
• Ronaldonun oğlu millidə debüt edib
• “Yuventus”dan adı “Fənərbaxça” ilə hallanan futbolçu ilə bağlı açıqlama