“Fənərbaxça”nın braziliyalı müdafiəçisi Roberto Karlos vətənində “Fluminense” klubu ilə danışıqlar apardığını təsdiqləyib. Apasport.az saytının məlumatına görə, “Fluminense”nin prezidenti Selso Barros dünya çempionuna 1 illik müqavilə təklif edib.

Bu barədə Braziliyanın “Globo Esporte” qəzeti yazıb. Məqalədə bildirilir ki, tərəflər üzbəüz yox, telefonla danışıblar. Roberto Karlosun müqaviləyə imza atmağa çox yaxın olduğu qeyd edilir.

Hərçənd, 36 yaşlı futbolçu az öncə “Fənərbaxça” ilə müqaviləsinin müddətini 2 illiyə uzadıb. İndi braziliyalı maaşın gec verildiyini bəhanə gətirərək, “sarı-lacivərdlilər”lə anlaşmanı ləğv etmək və vətəninə yollanmaq istəyir.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"