Azərbaycan milli komandasının növbəti yoxlama oyunlarının vaxtı dəqiqləşib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, iyunun 25-dən 30-a qədər Litvanın Kaunas şəhərində təlim-məşq toplanışı keçirəcək 19 yaşadək futbolçulardan ibarət yığmamız meydan sahibləri ilə iki yoxlama oyununu ayrı-ayrı stadionlarda keçirəcək. Hər iki matçda litvalı həmyaşıdları ilə qarşılaşacaq Bernard Lippertin yetirmələri iyunun 27-də “Mariampol”, iki gün sonra isə “Yonava” stadionuna çıxacaq. Hər iki görüş Bakı vaxtı ilə saat 15:00-da keçiriləcək.