“Qarabağ”: Əvvəl “Antalyaspor”, sonra “Rusenborq”

08.07.2009 - 12:24

15 gündür Türkiyədə təlim-məşq toplanışında olan “Qarabağ” növbəti yoxlama oyunu keçirməyə hazırlaşır. Apasport.az saytının məlumatına görə, Ağdam təmsilçisi iyulun 10-da yerli “Antalyaspor”la üz-üzə gələcək. Bu, “Qarabağ”ın qonşu ölkədə son sınaq matçı olacaq. Bundan sonra yüngül məşqlərlə kifayətlənəcək təmsilçimiz iyulun 14-də Norveçə - Avroliqada rəqib “Rusenborq”la görüşə yollanacaq.

Xatırladaq ki, “Qarabağ” 2 gün öncə “Ankaragücü” ilə yoxlama matçında məğlub olmuşdu - 1:3.