Mərkəzi Ordu İdman Klubunun (MOİK) futbol komandası növbəti mövsümə hazırlıq məqsədilə daha bir yoxlama oyununu keçirib. Klubun mətbuat xidmətindən apasport.az saytına verilən məlumata görə, komanda gələn çempionatda I divizionda yarışacaq “Neftçi” İSM-lə qüvvəsini sınayıb. Qaradağ Olimpiya Kompleksinin stadionunda baş tutan görüş MOİK-in qələbəsi ilə nəticələnib.

Ardıcıl məşqlər və yoxlama görüşləri keçirdiyindən yorğun olmalarına baxmayaraq, “hərbçilər” qalib gəliblər - 2:1. Ramil Əliyevin yetirmələrindən Nicat Tağıyev və Tural Axundov fərqlənib. Komanda həftə sonu növbəti yoxlama matçına çıxacaq və bununla da, birinci hazırlıq mərhələsi yekunlaşacaq.

Xatırladaq ki, bundan əvvəlki yoxlama oyunlarında MOİK Azərbaycan Dövlət Bədən Tərbiyəsi və İdman Akademiyasının komandası (3:2), eləcə də “Muğan”ın əvəzedici heyətlərini (1:0) məğlub etmişdi. “Muğan” klubu və “Qarabağ”ın əvəzedici heyətləri ilə görüşlər isə qolsuz bərabərliklə nəticələnmişdi.

• "Barselona" İspaniya millisinin futbolçusunu 60 milyona ala bilər
• Bundesliqa: “Borussiya”dan çətin qələbə
• Suarez "İnter Mayami"də qalacaq?
• Luis Suarez “İnter Mayami” ilə bağlı qərarını verib
• Niderland millisinin futbolçusu karyerasını bitirib