Dünya şöhrətli futbol məşqçisi, iki ay öncə Ukrayna “Şaxtyor”una UEFA kubokunu qazandırmış Mirça Luçeskunun səhhətində problem yaranıb. Apasport.az saytının məlumatına görə, rumıniyalı çalışdırıcı infarkt keçirib.

Avstriyada təlim-məşq toplanışı keçən “Şaxtyor”un baş məşqçisinin durumu səhər saatlarında pisləşib. Daha sonra Luçesku əməliyyat olunub. Cərrahi müdaxilə uğurlu alınıb. Hazırda səhhəti normal qiymətləndirən 64 yaşlı məşqçinin həyatının təhlükədə olmadığı bildirilir.