Azərbaycan milli komandasına daha iki futbolçu dəvət olunub. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, “Neftçi”nin müdafiəçisi Tural Nərimanovla “Xəzər-Lənkəran”ın yarımmüdafiəçisi Rahid Əmirquliyev yığmanın iyulun 27-dən avqustun 6-dək İsveçrənin Sürix şəhərində keçirəcəyi təlim-məşq toplanışına cəlb olunacaq. Hər iki futbolçunun adı bir müddət əvvəl açıqlanmış siyahıda ehtiyat oyunçular kimi göstərilmişdi. Turalla Rahid Sürixdən qayıdandan sonra avqustun 12-də Almaniya yığması ilə Bakıda keçiriləcək rəsmi oyuna hazırlıqda da iştirak edəcək.

Qeyd edək ki, milli komandamızın baş məşqçisi Berti Foqts gənclər yığmamızın üzvləri olan Nərimanovla Əmirquliyevə arabir dəvət göndərib.

• Messi tarixin ən yaxşısı seçildi
• “Mançester Yunayted”də ciddi itki
• Luis Enrikenin taleyinə aydınlıq gəlib
• Mbappe ən yaxşı adına layiq görüldü
• Şeşko karyerasını Premyer Liqada davam etdirə bilər