Finlandiya çempionatında XVII turun oyunları keçirilib. Apasport.az saytının məlumatına görə, Avropa Liqasının üçüncü təsnifat mərhələsində Ağdamın “Qarabağ” klubunun rəqibi “Honka” növbəti qələbəsini qazanıb. Espoo təmsilçisi səfərdə “MüPA”nı 3:1 hesabı ilə məğlub edib.

Hələ ilk hissədə qələbənin təməlini qoyan “Honka” Yussi Vasaranın 6-cı və Joel Perovuonun 34-cü dəqiqədəki qolları ilə üstünlük qazanıb. Qarşılaşmanın 74-cü dəqiqəsində meydan sahibləri fərqi minimuma endirsə də, bir dəqiqə keçməmiş Demba Sevec komandasının üçüncü qolunu vurub.

Üç xalı üç qolla əldə edən “Honka” xallarını 29-a çatdırıb. Bu, “Qarabağ”ın rəqibinin 1 pillə irəliləyərək, 3-cü pilləyə qalxmasına şərait yaradıb. Espoolular yalnız HİK (33) və TPS (31) klublarından geri qalır.

Qeyd edək ki, “Honka” növbəti oyununu avqustun 6-da Bakıda “Qarabağ”a qarşı keçirəcək.

• "Fənərbaxça"ya bəd xəbər: Şimanski zədələndi
• Messi: “Belə şəraitdə oynamaq çətindir” - FOTO
• "Sassuolo"nun hücumçusu "Beşiktaş"ın hədəfində
• İspaniyadan Superkubok qərarı
• Kvaratsxeliya ən yaxşı seçildi