Azərbaycan milli komandasının sabiq futbolçusu Emin Ağayevin çıxış etdiyi “Volqa” Rusiya çempionatının ikinci divizionunda növbəti oyununu keçirib. Apasport.az saytının məlumatına görə, səfərdə “Voloçanin-Ratmir”in qonağı olan Tver təmsilçisi 36 yaşlı müdafiəçinin xidmətindən yararlana bilməyib. Emin sarı vərəqə limitini doldurduğundan, cəzalı duruma düşüb.

“Volqa”nın kapitanının yoxluğu tverlilərə baha başa gəlib. Onlar səfərdə böyük hesablı məğlubiyyətə düçar olublar - 1:6. XX turdan sonra “Volqa” 26 xalla Qərb zonasında 19 kollektiv 13-cü yerdə qərarlaşıb.